Moderna, kontratë miliarda dollarëshe me SHBA-në për përforcuesit Omicron

Dozat në fjalë janë menduar si shtesë e 105 milionë dozave të një vaksine kundër variantit Omicron të porositura tashmë nga prodhuesi Pfizer

Në kuadrin e përgatitjeve për vjeshtën që konsiderohet se do të jetë pandemike, Qeveria Amerikane ka porositur më shumë se 65 milionë doza të vaksinës Omicron nga prodhuesi amerikan Moderna, transmeton albinfo.ch.

Departamenti Amerikan i Mbrojtjes, i cili është përgjegjës për porosinë, raporton se kostot për blerjen e këtyre vaksinave arrijnë në 1.74 miliardë dollarë amerikanë (1.66 miliardë franga zvicerane), shkruan srf.ch.

Dozat në fjalë janë menduar si shtesë e 105 milionë dozave të një vaksine kundër variantit Omicron, të porositura tashmë nga prodhuesi Pfizer.

Qeveria amerikane pret dërgesat e para në fillim të vjeshtës nëse vaksinat miratohen nga FDA dhe rekomandohen nga CDC deri atëherë.

---