Mogerini: BE-ja do t’i pranojë vendet e Ballkanit pas Brexit-it

Përfaqësuesja e Lartë e BE-së për Politikë të Jashtme dhe të Sigurisë, Federica Mogherini, tha se “me siguri”, pas largimit të Britanisë nga Bashkimi, “e ardhmja e saj nuk do të mbetet në 27 anëtarë, sepse do të kemi anëtarë të rinj”, përcjell albinfo.ch.

“Mendoj për vendet e Ballkanit që po negociojnë për anëtarësim në BE. Pjesa më e madhe e procesit të negociatave është për “zgjerim”, por unë them se do të jetë riunifikimi i Evropës”, vuri në dukje Mogerini në Nju-Jork, kur u pyet nëse do ta dobësonte Brexit-i BE-në.