Montreux Jazz: Tri grupe të rokut kosovar

Në prag të nisjes së festivalit të famshëm Montreux Jazz Festival, albinfo.ch mëson se edhe artistët kosovarë do të paraqitën këtë stinë. Kështu që tri grupe legjendare të stilit rok kosovar do të mbretërojnë një mbrëmje të tërë para publikut zviceran: Etno classic band (19: 00), ODA (20,45) dhe e pashmangshmi grup Jericho (22: 45).

Artistët kosovarë do të performojnë në skenën e quajtur “Parc Vernex” më 4 korrik 2012.

Një ndër figurat emblematike të rokut kosovar ështe pa dyshim këngëtari i grupit Jericho. “Këngët e Jericho janë në shqip ose anglisht. Ato karakterizohen me tekste plot zemërim rebelues. Këngët në shqip këndohen në dialektin gegë dhe inkuadrojnë ritme etnike shqiptare nga Kosova. Jericho mund të jetë grupi i vetëm shqiptar që krijon në këtë rrymë muzikore. Anëtarët e grupit janë Petrit Çarkaxhiu apo Rrusta (këngëtar dhe kompozitor) », shkruan portali freedomfestival.eu.