Komuna e Suharekës mirëpret mërgimtarët

Nga data 20 dhjetor 2024 deri më 15 janar 2025, të gjithë mërgimtarët mund të përdorin pa pagesë parkingun në oborrin e Komunës së Suharekës, oborrin e Shkollës së Fëmijëve “7 Marsi” dhe hapësirën e parkingut përballë Parkut të Dëshmorëve.

Kryetari i Komunës së Suharekës, Bali Muharremaj, i ka uruar të gjithë mërgimtarët për kthimin në vendlindje dhe u ka dëshiruar pushime të mbara.

“Kemi vendosur të ofrojmë këtë shërbim për të lehtësuar qëndrimin e mërgimtarëve tanë në Suharekë. Ju mirëpresim me krahë hapur!”, ka thënë Muharremaj.