MULGARI PREZANTON KREACIONIN E RI ‘ICON03’

Kompania britanike që merret me modifikimin e veturave, Mulgari, prezantoi kreacionin e saj më të ri të quajtur Icon03.

Bëhet fjalë për BMW M240i në version Coupe, i modifikuar, transmeton albinfo.ch.

Mulgari ka përforcuar motorin e tij 3.0-litër Turbo me 6 cilindra në “së paku” 500 kuajfuqi.

Ndryshime kanë pësuar edhe amortizatorët, sistemi i drejtimit, sistemi i shkarkimit të gazrave si dhe aerodinamika, por edhe interieri i modifikuar, duke përfshirë ulëset sportive “Recaro”.

Gjatë muajit korrik, Mulgari do ta testojë Icon03-shin në pistën e njohur Nurburgring dhe pritet që një xhiro ta përfundojë për rreth 7 minuta e 30 sekonda.