Furnizimi i barnave po “përkeqësohet”, paralajmërojnë farmacistët zviceranë

(KEYSTONE/Gaetan Bally)

Megjithëse nuk është e re, mungesa e qindra medikamenteve thelbësore – duke përfshirë ato për hipertensionin, epilepsinë, sëmundjen e Parkinsonit, problemet e zemrës, si dhe gripin dhe viruset e ngjashme – po përkeqësohet në Zvicër, përcjell albinfo.ch.

“Na mungojnë 829 barna me recetë,” sipas Enea Martinelli, nënkryetar i Shoqatës Zvicerane të Farmacistëve (Pharmasuisse).

Si rezultat i kësaj mangësie, “një në dy pacientë i mungojnë ilaçet që i nevojiten dhe trajtimet e tyre duhet të kalojnë në barnat e disponueshme”, shtoi ai.

Ndër arsyet që Martinelli përmendi për mungesën është mbyllja e fabrikave farmaceutike në Kinë gjatë Covid, si dhe paketimi i pamjaftueshëm për barnat, që do të thotë se ilaçet “nuk mund të paketoheshin dhe dërgoheshin”.