Kosova
Mungesa e vizës, shkak që boksieria nga Kosova të mos marrë pjesë në kampionat
Donjeta Sadiku dhe boksierët e tjerë nga Kosova që do të marrin pjesë në Botërorin e Boksierëve, mbase edhe mund të mos marrin pjesë fare. Kjo për shkak të procedurave për pajisje me vizë.
Ekipi për të hënë ka rezervuar biletat për të udhëtuar në Indi, ku mbahet botërori, por as të premten nuk kanë marrë përgjigje, e nëse javën e ardhshme përgjigje, mund të jetë vonë për Donjeta Sadikun, raporton, Koha.net, përcjellë Albinfo.ch
Zyrtarët e Federatës së Boksit të Kosovës i kanë thënë Koha.net, se kështu ka ndodhur edhe në vitin 2019. “Nuk na janë përgjigjur deri në ditët e fundit dhe më pas na kanë thënë se autoritetet në Indi nuk kanë lëshuar vizat. Shpresojmë që këtë herë të jetë ndryshe, por shenjat nuk janë të mira. Ne për të hënën kemi të planifikuar udhëtimin”, ka thënë Latid Demolli. Dëshpërimi është i madh edhe te boksieria pasi të hënën është e planifikuar arritja e delegacioneve në New Delhi, ku mbahet Botërori. Të martën është akreditimi e të mërkurën shorti zyrtar. Mundësitë po rriten që Donjeta, fituese e medaljes së bronztë nga Botërori i vitit të kaluar, të mos jetë pjesë e shortit.
Federata e Boksit i ka nisur një letër Federatës Ndërkombëtare duke e akuzuar për diskriminim. “Si ndodhi që IBA lejoi një vend si India të organizojë Kampionatin Botëror, duke ditur që India është dënuar dhe nuk është lejuar të organizojë ngjarje të tilla për shkak të diskriminimit që na është bërë në vitet 2018 e 2019? Kemi qenë të sigurt që këtë vit nuk do të kemi problemin e njëjtë”, ka shkruar FBOXK në letrën që e ka dërguar të premten te Federata Ndërkombëtare e Boksit, raporton Koha.net, përcjellë Albinfo.ch
Të ngjashme
Të tjera nga Kosova
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Qytetarët e Lihtenshtajnit dhe Zvicrës kanë pagën më të lartë Një studim i GfK-së tregon se qytetarët e Lihtenshtajnit kanë pagën më të lartë në Evropë....
-
Ja si duken fanellat e reja të Zvicrës në Kampionatin Evropian
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria