Mushkonja “tigër” arrin në Gjenevë

Autoritetet e Gjenevës thanë që ata kishin pritur që mushkonja të "shfaqej herët a vonë" në kanton

Mushkonjat aziatike “tigër”, të cilat mund të bartin sëmundje të dëmshme, kanë arritur në Gjenevë, thonë autoritetet e këtij qyteti.

Konfirmimi i shkencëtarëve për praninë e saj u bë gjatë muajit shtator, bëri të ditur kantoni i Gjenevës të premten. Ky insekt është parë së fundmi edhe në Schaffhausen dhe Cyrih.

“Mushkonja tigër është një specie veçanërisht e padëshirueshme pushtuese, sepse gjithashtu kafshon gjatë ditës dhe shkakton një reagim më të fortë”, thuhet në njoftimin e kantonit të Gjenevës, shkruan swissinfo.ch, përcjell Albinfo.ch.

Autoritetet kanë aktivizuar një plan kundër mushkonjave. Kjo përfshin rritjen e kontrolleve, pasi mushkonjës i pëlqejnë hapësirat e banuara.

Po ashtu bëhet thirrje për publikun që të kenë kujdes nga mushkonjat. Mushkonja e tigrit u pa për herë të parë në Ticino, në vitin 2003 dhe gjithashtu është vërejtur në Basel dhe Graubünden.  Sipas ekspertëve, kjo mushkonjë ka orgjinë nga Azija Jugore, por që tani është përhapur në gjithë Evropën.

Autoritetet e Gjenevës thanë që ata kishin pritur që mushkonja të “shfaqej herët a vonë” në kanton. Sipas tyre, ndryshimi i klimës dhe udhëtimi ndërkombëtar kanë kontribuar në përhapjen e insektit.

---