Musk shpreson se makinat vetëdrejtuese dalin në treg në fundvit

EPA/ALEXANDER BECHER

Udhëheqësi i “Tesla” Elon Musk tha sot se qëllimi i kompanisë së tij është që deri në fund të vitit të përsosë teknologjinë e prodhimit të makinave vetëdrejtuese dhe se shpreson që ato së shpejti të gjenden në Shtetet e Bashkuara të Amerikës dhe ndoshta dhe në Evropë, në varësi të rregulloreve.

Duke folur në një konferencë energjetike në Norvegji, Musk tha se aktualisht është plotësisht i fokusuar në anijen Starship të kompanisë së tij SpaceX dhe makinat vetë-drejtuese të Teslës, transmeton euronews, përcjell Albinfo.ch.

“Këto janë dy teknologjitë në të cilat jam fokusuar dhe po përpiqem t’i kem gati deri në fund të vitit”, tha Musk.

Kreu i këtyre kompanive më herët tha se bota duhet të vazhdojë me industrinë e naftës dhe gazit, por edhe të vazhdojë me zhvillimin e burimeve të qëndrueshme të energjisë.