Mustafa s’heq dorë nga zgjedhjet

Kryetari i LDK-së ka thënë se Qeveria dhe Parlamenti nuk mund të funksionojnë edhe më tutje kështu, prandaj vendi duhet të shkoj në zgjedhje të parakohshme.

Lideri i partisë më të fuqishme opozitare në Kosovë, Isa Musfa i LDK-së këmbëngulë në mbajtjen e zgjedhjeve të parakohshme parlamentare. Ai këtë qëndrim e ka shfaqur edhe të mërkurën, duke arsyetuar qëndrimin e tij më “zallamahinë” politikë që ka përfshirë qeverisjen.

“Nuk mund të lejomë një situatë ku pozita po e lëshon Parlamentin dhe ne t’i mbyllim sytë e të themi se duhet të vazhdohet kështu”, ka deklaruar Mustafa për KTV-në. Sipas tij, Qeveria dhe Parlamenti i Kosovës vështirë mund të funksionojnë edhe më tutje kështu.

Ndërsa bashkëpartiaku i tij Lutfi Haziri ka kërkuar që para zgjedhjeve të ndryshohet kodi zgjedhor, sepse sipas tij, është e palogjikshme që të huhet në zgjedhje me praktikën e vjetër.

Ndërsa është vetë LDK ajo që ka bllokuar reformën zgjedhore në Kuvend, duke kërkuar nga kryeministri Hashim Thaçi që të realizojë marrëveshjen për presidenten e nënshkruar nga trojka, Thaçi-Pacolli-Mustafa. Me këtë marrëveshje, pas miratimit të reformës zgjedhore dhe kushtuese, presidentja duhet jap dorëheqje.

Po ashtu lideri i LDK-së, tashmë ka marrë një iniciativë për bashkimin e partive të djathta, me idenë që ta rrëzojë nga qeveria kryeministri Hashim Thaçi.