Mustafi takohet me yllin e muzikës botërore

Pas ndeshjes, Mustafi, i cili luan për Kombëtaren e Gjermanisë, është takuar me Rihannan

Arsenali të shtunën shënoi fitore të thellë ndaj Evertonit me rezultat 5:1, ku dy futbollistët shqiptarë, Granit Xhaka dhe Shkodran Mustafi e nisën ndeshjen si titullarë.

Dy futbollistët shqiptarë ishin të kënaqur me këtë fitore. Pas ndeshjes, Mustafi, i cili luan për Kombëtaren e Gjermanisë, është takuar me Rihannan.

“Rezultati që na duhej sot. Faleminderit që ke kryqëzuar gishtërinjtë Rihanna sepse kjo gjithmonë ka rezultuar pozitive”, ka shkruar Mustafi në rrjetet sociale, duke kujtuar edhe fatin që i solli në Kampionatin Botëror të Brazilit.

Ndërkohë, Xhaka ka shkruar në profilin e tij pas ndeshjes: “Ndjenjë e mrekullueshme pas një fitore të madhe dhe shpresoj që të vazhdojmë kështu. Falënderojë tifozët tanë për mbështetjen e tyre fantastike”.