Zyra e NATO-s në Gjenevë “nuk shkel neutralitetin zviceran”

Kështu gjykon Qeveria zvicerane

 

Edhe pse Zvicra nuk është anëtare e NATO-s, aleanca ushtarake po “eksploron mundësinë e krijimit të një zyre ndërlidhëse në Gjenevë për të forcuar më tej angazhimin e saj me Kombet e Bashkuara dhe organizata të tjera relevante ndërkombëtare”, raportoi Tages-Anzeiger të mërkurën, përcjell albinfo.ch.

Qeveria zvicerane konfirmoi se përgatitjet për këtë lëvizje janë duke u zhvilluar dhe nuk e sheh praninë e NATO-s në Gjenevë si shkelje të neutralitetit zviceran.

Ndërsa shumica e partive politike e shohin lëvizjen si një zhvillim pozitiv, Partia Popullore Zvicerane (SVP) tha se Zvicra “e pavarur dhe neutrale” nuk duhet të bëhet një vend pritës për këtë apo ndonjë aleancë tjetër ushtarake.

---