NATO rrit kapacitetet, forcat në gatishmëri mbi 300 mijë njësi

NATO do të dalë nga samiti i Madridit shumë më i fortë. Sipas sekretarit të përgjithshëm të Aleancës, numri i trupave në gjendje reagimi do të shumëfishohet ndjeshëm nga kuota aktuale prej 40 mijë njësish.

 “Ne do të forcojmë grupet tona të betejës në pjesën lindore të Aleancës, duke i ngritur në nivel brigadash. Do të transformojmë forcën e reagimit dhe do rrisim numrin e forcave të gatishmërisë së lartë mbi 300 mijë,” – u shpreh Jens Stoltenberg, sekretar i përgjithshëm i NATO-s.

Aleanca pret gjithashtu të dalë më e fortë edhe në mënyrë sasiore dhe cilësore nga samiti, ku do të përpiqet të heqë pengesat e Turqisë ndaj anëtarësimit të Suedisë dhe Finlandës.

Sipas Stoltenberg, liderët e këtyre tre vendeve do të takohen në kryeqytetin spanjoll për të tejkaluar dallimet. Ankaraja kritikon Helsnikin dhe Stokholmin se strehojnë militantë kurdë që i konsideron terroristë.