Ndahet çifti i famshëm shqiptar

Gjithçka ka përfunduar. Futbollisti i njohur shqiptar, Blerim Xhemaili është ndarë nga gruaja e tij, Erjona Sulejmani, dhe procesi po shkon drejt divorcit, shkruajnë mediat ndërkombëtare, ndër to edhe ‘Blick’, por edhe ato italiane, përcjell albinfo.ch.

“Xhemaili akuzon gruan e tij për përdorimin pa kriter të mbiemrit të tij, si pjesë e punës së saj në modeling dhe prezantim. Ai la të drejtën për të mbrojtur integritetin dhe privatësinë e tij”, thuhet në një deklaratë të lëshuar nga avokatja e futbollistit shqiptar, Daniela Missaglia.

Ata kanë edhe një djalë së bashku, Luanin, kurse janë martuar që dy vjet e gjysmë, duke qenë ndër çiftet më të përfolura shqiptare, por edhe në Zvicër.

Erjona Sulejmani ishte njëra prej bashkëshorteve të futbollistëve që u kontaktua nga produksioni dhe u përfshi mes protagonisteve të programit “Capitane”, në transmetim te Spike. Programi tregon jetën luksoze të të fejuarave ose bashkëshorteve të futbollistëve dhe detaje plot gossip dhe sekrete në lidhje me jetën e tyre në çift.

Futbollisti dhe Erjona, ende nuk kanë folur për këtë rast, as nuk kanë pohuar, e as mohuar.