Ndahet nga jeta gazetarja e “Zërit të Amerikës”, Rudina Dervishi

Foto FB

Gazetarja dhe drejtuesja e emisionin teleziv “Ditari”, të Zërit të Amerikës, Rudina Dervishi, është ndarë nga jeta, në moshën 53-vjeçare.

Sipas njoftimit në faqen zyrtare të “VoA”, Dervishi vdiq të martën, më 12 shtator, pas një sëmundjeje të rëndë.

Nga ky medium e kanë cilësuar vdekjen e Dervishit si humbje të madhe.

“Ikja e saj e parakohshme është një humbje e madhe për familjen dhe për kolegët e saj të Shërbimit Shqip të Zërit të Amerikës. Për më shumë se 25 vjet, Rudina dha një kontribut të çmuar me profesionalizmin e saj si një gazetare e apasionuar, duke mbuluar tema të shumëllojshme nga ekonomia, politika, të drejtat e njeriut dhe të gruas, e deri tek arti. Ne, kolegët e saj të Zërit të Amerikës, do ta mbajmë mend Rudinën për mprehtësinë, dinamikën, humorin dhe përkushtimin e saj”, thuhet në njoftim.