Ndërprerje të mëdha në transportin publik në Cyrih deri më 31 korrik

Qyteti i Cyrihut po përballet me ndërprerje të mëdha në rrjetin e transportit publik për shkak të punimeve të mëdha ndërtimore në dhe rreth stacionit qendror të trenit (Zurich HB). Autoritetet kanë njoftuar se deri më 31 korrik, 13 linja tramvaji dhe autobusi do të preken nga devijimet dhe kufizimet, duke ndikuar ndjeshëm në qarkullimin e përditshëm të udhëtarëve, shkruan The Local, transmeton albinfo.ch.

Si pjesë e ndërhyrjeve, ura Bahnhofbrücke është mbyllur për qarkullimin e veturave, duke kërkuar devijime të detyruara edhe për shoferët. Ndërprerjet kanë prekur disa nga linjat më të përdorura në qytet.

Tramvajet:

• Linja 3: Operon vetëm nga Albisrieden deri në ndalesën zëvendësuese Bahnhofplatz/HB në Gessnerallee.

• Linja 4: Nga Altstetten Nord deri në Sihlquai/HB dhe më tej në drejtim të Seebach.

• Linja 6: Nga Zoo në Central dhe pastaj përmes Limmatquai në stacionin Stadelhofen.

• Linja 7: Nga Wollishoferplatz deri në Bahnhofstrasse/HB.

• Linja 8: Nga Hardturm në Bellevue dhe përmes Kunsthaus në Klusplatz.

• Linja 10: Nga Aeroporti i Cyrihut në Central dhe nëpërmjet Limmatquai në Tiefenbrunnen.

• Linja 11: Nga Rehalp në Paradeplatz e më tej në Albisgütli.

• Linja 13: Nga Frankental në Sihlquai/HB dhe më tej nëpërmjet Schaffhauserplatz e Oerlikon në Auzelg.

• Linja 14: Niset nga ndalesa zëvendësuese në Bahnhofplatz/HB (Gessnerallee) drejt Triemlit.

• Linja 15: Nga Stettbach përmes Schaffhauserplatz, Bellevue e deri në Klusplatz.

• Linja 17: Operon vetëm gjatë ditëve të punës nga ora 07:00 deri në 18:00 mes Werdhölzli dhe Milchbuck përmes Sihlquai/HB.

Autobusët:

• Linja 31: Do të funksionojë në dy seksione të ndara, nga Hermetschloo deri në Bahnhofplatz/HB dhe nga Stacioni Qendror në Kienastenwies.

• Linja 46: Nuk do të operojë midis Okenstrasse dhe Bahnhofquai/HB. Ajo devijohet përmes Kornhausstrasse dhe Nordstrasse në drejtim të Rütihof.

Autoritetet e transportit në Cyrih këshillojnë qytetarët dhe vizitorët të planifikojnë udhëtimet me kohë, të përdorin aplikacione për informacione në kohë reale dhe të llogarisin kohë shtesë për destinacionet e tyre, transmeton albinfo.ch.