Ndërpriten negociatat për paga

Shoqata e firmave të ndërtimit u sugjeron anëtarëve të saj që nga viti 2011 t`i rrisin pagat në këtë degë për 1 për qind

Ndërpriten negociatat në mes të shoqatës së firmave të ndërtimit dhe përfaqësuesve të sindikatave. Përderisa sindikatat kishin kërkuar rritje prej 2.7 për qind të pagave për të gjithë punëtorët nga viti i ardhshëm, shoqata në fjalë ka këmbëngulur për një rritje prej 1 për qind.

Kjo, sipas saj është një rritje solide, kur kihet parasysh se çmimet këtë vit janë rritur 0.3%, shkruan NZZ.online. Prandaj, rritja reale e ofruar e të ardhurave sipas kësaj llogarie do të ishte 0.7%.

Meqë negocatat janë ndërprerë pa u arritur ndonjë marrëveshje, shoqata e ndërtimtarëve i konsideron të përfunduara bisedimet për këtë temë. Lidhur me këtë, ajo u sugjeron anëtarëve të saj që nga viti 2011 t`i rrisin pagat e të gjithë të punësuarve në këtë degë për 1 për qind.