Ndërtohet katedralja prej kartoni

Nga tërmeti i vitit 2011, katedralja anglikane e qytetit, e vjetër 130 vjet kishte pësuar dëmtime të rënda kështu që ishte bërë e papërdorshme

Në qendrën e qytetit të dytë më të madh të Zelandës së Re, Christchurch, është duke u ndërtuar një kishë, me material që kryesisht përbëhet nga gypa prej kartoni. Kisha do të ketë vend për 700 besimtarë dhe ka një “afat qëndrueshmërie” prej 50 vitesh.

Nga tërmeti i vitit 2011, katedralja anglikane e qytetit, e vjetër 130 vjet kishte pësuar dëmtime të rënda kështu që ishte bërë e papërdorshme.

Kostoja për ngritjen e katedrales prej kartoni llogaritet në rreth 3 milionë euro.

Projektin e saj e ka bërë arkitekti japonez Shigeru Ban, i njohur për ndërtimet me materiale të lira. Ai deri më tash, me material alternativ  ka realizuar vepra si salla koncertesh muze, shtëpi dhe ura, kryesisht pas katastrofave natyrore që kanë goditur vendet e ndryshme.