Në Gjenevë, para OKB-së po protestohet për Kumanovën

Rreth orës 14 në sheshin para selisë së OKB-së në Gjenevë janë grumbulluar qindra shqiptarë nga e gjithë Zvicra për të protestuar kundër dhunës që u ushtrua ditë më pare në Kumanovë.

Reporteri i albinfo.ch ndodhet në vendin e ngjarjes dhe do të na mbajë të informuar mbi rrjedhën e protestës.

Terrori shtetëror i IRJM-së nuk ka të ndalur mbi vendbanimet shqiptare. Ngjarjet e Kumanovës edhe njëherë dëshmuan se forcat policore dhe ushtarake të udhëhequra nga zyrat e shtetit janë në gjendje brenda dy ditësh të rrënojnë çdo gjë shqiptare. Faktet mbi Masakrën e Kumanovës, dëshmuan dhe dëshmojnë se në IRJM zbatohen projekte antishqiptare të cilat janë të dënueshme sipas të gjitha ligjeve ndërkombëtare”, thuhet në ftesën e organizatorëve të protestës së nesërme”, thuhet në ftesën për pjesëmarrje në protestën ethirrur nga Shoqata “Liria Kombëtare” në Zvicër së bashku me shoqatat tjera, në bashkëpunim me intelektualë, veprimtarë të çështjes kombëtare, sportistë dhe artiste etj.

Protesta po mbahet me moton “STOP DHUNËS DHE TERRORIT SHTETËROR NË KUMANOVË”.