Në Gjermani gjenden 100 gjësende të vjedhura të Lennonit

Policia ka gjetur më shumë se 100 gjëra të vjedhura nga pasuria e John Lennonit, përfshirë tre ditarë.

Ditarët  u paraqitën në selinë e policisë në Berlin bashkë me gjërat tjera, përfshirë një shirit të incizimeve të koncerteve të “Beatles”, dy palë syza, pajisje muzikore dhe një kuti cigaresh.

Policia ka thënë se një 58-vjeçar është arrestuar nën dyshimin se po mbante pajisjet e vjedhura.

Këto gjëra ishin vjedhur më 2006 në New York nga e veja e Lennonit, Yoko Ono, transmeton Albinfo.ch.

Detektivët kanë thënë se shumica e gjërave ishin konfiskuar nga një shtëpi ankandi në korrik, duke nisur hetimet për gjetjen e të tjerave. Një grua kishte arritur të identifikojë objektet përmes fotografive që i ishin shfaqur në konsullatën gjermane në New York.

I dyshuari u arrestua, pasi policia bastisi shtëpinë e tij.

Po ashtu policia është në kërkim të një personi që jeton në Turqi.

Gjërat e “Beatles” gjithmonë kanë nxjerrë çmime të larta në ankande. Në shkurt, një xhaketë lëkure që besohet se ishte veshur nga Lennoni u shit për 10 mijë e 400 funte në Angli.