Në kamion janë gjetur 71 kufoma, kapen tre të dyshuar

Ndërkohë janë kapur tre persona të dyshuar për kryerjen e veprës. Pronari i makinës është një shtetas bullgar me prejardhje libaneze ndërsa dy personat tjerë janë një shtetas bullgar dhe një tjetër me dokumente hungareze

Sipas të njoftimeve më të reja nga Policia e Austrisë, në kamionin frigorifer të gjetur ditën e djeshme në autostradë afër Vjenës kanë qenë 71 kufoma refugjatësh.

Shefi i policisë së Republikës federale të Burgenlandit Hans Peter Doskozil në një konferencë për shtyp që po vazhdon të mbahet në Vjenë njofton se mjerisht numri i trupave të pajetë në kamion është më i madh se sa ishte menduar fillimisht. Në mesin e kufomave janë 59 meshkuj, 8 femra dhe 4 fëmijë në mesin e të cilëve një vajzë në mes 1 dhe dy vjeçe si dhe djem të moshave 3, 8, 9 e 10 vjeçarë.

Bazuar në një pasaportë të gjetur siriane, policia konsideron se bëhet fjalë për shtetas sirianë.

Doskozil ka njoftuar se ndërkohë janë kapur tre persona të dyshuar për kryerjen e veprës. Pronari i makinës është një shtetas bullgar me prejardhje libaneze ndërsa dy personat tjerë janë një shtetas bullgar dhe një tjetër me dokumente hungareze.