Në kohë pandemie, Zvicra ndihmon Shqipërinë me 1.3 milionë euro

Zvicra shpallin grante të reja ndihme prej 1.3 milionë € për Shqipërinë

Së fundmi, Qeveria zvicerane dhe ajo shqiptare po punojnë së bashku për rehabilitimin e shtëpive për të prekurit nga tërmeti i Nëntorit 2019.

Një pjesë e kontributit zviceran u nënshkrua ditëtëve të fundit, për grantin 1.3 milion Euro në mbështetje të familjeve në Shijak dhe Kurbin, shkruan albinfo.ch.

Ministri i Rindërtimit dhe koordinator për hartimin e Planit Kombëtar të Rimëkëmbjes Arben Ahmetaj së bashku me Ambasadorin e Zvicrës Adrian Maitre, nënshkruajtën marrëveshjen për zbatimin e angazhimit financiar prej 1.3 milionë euro të Konfederatës së Zvicrës, për programin e mbështetjes së familjeve të prekura, në bashkitë Shijak dhe Kurbin, shkruan tutje albinfo.ch.

Kujtojmë se para disa jave një fond i ri grantesh u lansua nga Programi për Zhvillimin Rajonal, financuar nga Zvicra dhe Austria, në bashkërendim të ngushtë me Fondin Shqiptar të Zhvillimit/ Albanian Development Fund. Ky grant do të mbështesë 11 bashki për rimëkëmbjen pas tërmetit të nëntorit 2019, shkruan albinfo.ch.

Një fond prej 2,000,000 euro do të mbështesë 11 bashki në Shqipëri për t’u rikuperuar nga dëmtimet pas tërmetit të 26 nëntorit 2019.

---