Në korrik Kosova mund të marrë Udhërrëfyesin nga BE-ja

Qysh në korrik të këtij viti, Kosova mund të marrë Udhërrëfyesin nga BE-ja për liberalizim të vizave. Një mundësi e tillë është paralajmëruar nga ministrja e Integrimeve Evropiane, Vlora Çitaku.

“Tani Kosova po kalon në një fazë shumë të rëndësishme të dialogut për liberalizim vizash dhe shpresojmë që pas vizitës që do t’i bëjë Kosovës Komisioni Vlerësues, në muajin korrik, ne do të mund të marrim Udhërrëfyesin për liberalizim vizash dhe për ta bërë këtë hap procesi i riintegrimit të personave të riatdhesuar është kriter shtesë”, ka thënë Çitaku, ndërsa ka vizituar komunën e Lipjanit ku është njoftuar me procesin e kthimit të të zhvendosurve dhe riatdhesimin e banorëve të kësaj komune.

Sipas saj, nota për Kosovën në përmbushje të kritereve të BE-së është më e larta dhjetë dhe jo gjashtë siç pretendohet.