“Në Kosovë, lulëzon moda `Hillary Clinton`”

Emri i butikut tregon për popullaritetin e Clintonëve në Kosovë. Duke qenë se Billi, si ish president i SHBA-së ishte angazhuar për pavarësinë e Kosovës, ai edhe sot nderohet shumë këtu

Se cilin kandidat në garën presidenciale të SHBA-së e mbështet pronarja e këtij lokali, nuk ka shumë vend për të dyshuar: kandidaten emrin e të cilës e mban butiku i saj ,pra Hillary Clinton.

Elda Morina-Ymeraga e shpreh kështu këtë mbështetje: “Unë besoj se ajo është një grua që ka një vizion të qartë për të ardhmen e Amerikës. Ajo është kandidatja më e fortë dhe ajo e ka mbështetjen tonë sepse ka kaq shumë për të ofruar”, shkruan pforzheimerzeitung.de.

Emri i butikut tregon për popullaritetin e Clintonëve në Kosovë. Duke qenë se Billi, si ish president i SHBA-së ishte angazhuar për pavarësinë e Kosovës, ai edhe sot nderohet shumë këtu. Bashkëshortja e tij, tash edhe vet kandidate për presidente, është po kështu e dashur, transmeton albinfo.ch. Për shumë gra në Kosovë ajo konsiderohet si model për karrierë dhe modë.

Prandaj dhe në butikun “Hillary” ato mund të vishen krejtësisht ashtu sikurse idhulli i tyre

Ymeraga thotë: “Klientët tanë të rëndomtë janë gratë që punojnë, nëpunëset, mësueset, bankieret por edhe politikanet.

Por sa i përket barazisë gjinore, vendi (Kosova) mbetet mbrapa, përcjell albinfo.ch. Sipas një studimi vetëm afër një e pesta e grave në moshë të punës është e punësuar ndërkohë që te meshkujt janë dy të tretat, shkruan gazeta. Por një gjë e ka Kosova me përparësi krahasuar me SHBA-në. Atje prej pesë vitesh në krye të vendit ka qenë një grua.