Në Maqedoni po mbahen rivotimet në katër komuna

Në komunën Qendër po rivotohet në 29 vendvotime, në Strugë 9 vendvotime, Gjorçe Petrov në një vendvotim. Në komunën e Dollnenit po zhvillohet raundi i dytë në 39 vendvotime

Në Maqedoni sot po mbahet rivotimet për raundin e dytë zgjedhor në tri komuna, si dhe votimet për raundin e dytë në një komunë. Balotazhi për përsëritet në Strugë, Qendër dhe Gjorçe Petrov të Shkupit, ndërsa raundi i dytë po zhvillohet vetëm në komunën e Dollnenit.

Komisioni Shtetëror i Zgjedhjeve (KSHZ) në Maqedoni, siç informon INA, ka informuar se në ora 07.00 e mëngjesit, në kohën e duhur, janë hapur të gjitha 78 vendvotimet ku do të votohet në këto komuna.

Në komunën Qendër po rivotohet në 29 vendvotime, në Strugë 9 vendvotime, Gjorçe Petrov në një vendvotim. Në komunën e Dollnenit po zhvillohet raundi i dytë në 39 vendvotimet e kësaj komune.

Mirëpo, edhe kësaj here, sikurse në raundin e parë, në Komunën e Strugës është vërejtur një prani e madhe e forcave speciale të Policisë së Maqedonisë. Sipas banorëve të kësaj ane, policia ka ushtruar kontroll nëpër rrugë, me qëllim që t’i frikpsj votuesit.

Në garë për komunën e strugës janë dy kandidatë: Ziadin Sela i PDSH-së dhe Vladimir Koçoski i VMRO DPMNE-së. Ky i fundit mund ta rrezikojë Selën, vetëm nëse të gjithë votuesit votojnë për të, në të kundërtën Sela është para tij për më shumë se 5 mijë vota.

Në komunën e Strugës do të ketë rivotim në nëntë vendvotime me 7885 votues, në komuna Qendër do të rivotohet në 29 vendvotime ku janë të regjistruar 22.939 votues si dhe në komunën Gjorçe Petrov të Shkupit në një vendvotim me 2.588 votues