Në Tiranë, si në shtëpi

Brian Curdy kishte marrë pjesë në aventurën e anijes, e cila ishte përpjekur që të depërtojë nëpër barrierën izraelite dhe tu dërgojë barna palestinezëve të Rripit të Gazës. Ashtu si dhe 60 vullnetarët e tjerë, edhe ai ishte bllokuar në Greqi.

Tani, ai ka paraqitur kandidaturën e tij Këshillit shtetëror në listën e Partisë punëtore e popullore (POP) nga Valisi. Shumë pak e njohin, Brian Curdy nga komuna Uvrier në Kantonin e Valisit. “Për banorët e Uvrier, ai është një njeri i vogël, i cili e shetitë qenin e tij të bardhë të vogël”, deklaron me humor bashkëshortja e saj Maryvonne, në të përditshmen „le nouveliste“, “nuk mund ta imagjinoni se çka ka bërë deri tani“. Briani është modest dhe nuk ka shumë dëshirë të dëshmohet, një gjë të tillë e bën bashkëshortja e tij.

„Ai ka qenë luftëtar në Vietnam dhe është diplomuar në sociologji, në të njëjtën kohë, ai është edhe infermier në psikiatri, synime këto të cilat i arriti këtu, në kohën kur çalonte në gjuhën frënge”. I lindur në Shtetet e Bashkuara, ai është ushtarak profesionist dhe anëtar i marinës së famshme amerikane. është pjesëmarrësi i dy konflikteve të armatosura dhe me plagë të pësauara në to.

„Jam kthyer në vendin e bukur të paraardhësve të mi dhe u martova me një vajzë të vendit“, ka deklaruar Brian, i cili është i pajisur me dy shtetësi, zvicerane dhe amerikane.

Pasi anija e parë ishte nisur për në Gazë dhe ishte penguar nga armaat izraelite, me ç`rast ishin shkaktuar dy të vdekur, unë e pyeta bashkëshorten time: „Përse të rinjtë shkojnë të vdesin? Unë jam i moshës 60-vjeçare, deri më tani kam pasur një jetë të mirë dhe nuk më mbetet tjetër, përpos të shkoj edhe unë“.

Pas peripecive të shumta, pasi kishte shkuar në Athinë dhe nga atje kishte tentuar të shkojë në Izrael, bllokimit të lundrimit të anijes nga autoritet greke nëpër ujërat ndërkombëtarë, Brian e braktis Greqinë në një gjendje të rëndë materiale, pa mundur të blejë biletë për avion.

Miqtë e tij i ndihmojnë që të shkojë me anije deri në Sarandë të Shqipërisë, ndërsa nga porti i saj, ai udhëton për në Tiranë, duke bërë auto stop. Atje, ai buan te një bir i njërit nga themeluesit e Partisë Socialiste shqiptare, para se të nisej më në fund me avion për në Zvicër. „Do të shkoj përsëri pas pak javësh“, ka përfunduar Brian, i cili kësaj radhe do të shkoj në Gazë, duke kaluar nëpër Egjipt.