58 të vdekur dhe 6113 të infektuar nga koronavirusi në Zvicër

Kjo ishte rritja më e madhe e numrit të të infektuarve brenda një dite. 50 për qind e rasteve të testuara pozitive ishin më të rinj se 51 vjet, gjysma ishin më të vjetër.

Numri i të prekurve nga koronavirusi në Zvicër vazhdon të rritet me shpejtësi të madhe: të shtunën pasdite, siç njoftoi Zyra Federale e Shëndetit Publik (BAG), kanë qenë tashmë 6113 raste të konfirmuara, 1273 më shumë se 24 orë më parë, shkruan sda.ch. 58 persona kanë vdekur si pasojë e infektimit me këtë virus.

Kjo ishte rritja më e madhe e numrit të të infektuarve brenda një dite, transmeton albinfo.ch. 50 për qind e rasteve të testuara pozitive ishin më të rinj se 51 vjet, gjysma ishin më të vjetër.

Sipas raportit të situatës së azhurnuar për situatën epidemiologjike, Kantoni i Ticinos me 257.8 raste ntë prekurish në 100 mijë banorë ka incidencën më të lartë. Ai ndiqet nga kantonet Vaud (181.2) dhe Graubünden (106.9).

---