Nëna ka keqtrajtuar me vite të tëra seksualisht të birin

Nëna gjermane ka filluar keqtrajtimin seksual të të birit që kur ai ishte dhjetëvjeçar. Ajo e ka detyruar atë që të bëjë praktika seksuale nga më perverset me të. Dënimi: 22 muaj burg

Një grua 47 vjeçare, shtetase e Gjermanisë me qëndrim në Zvicër është dënuar me 22 muaj burg nga një gjykatë e Kantonit të St. Gallenit për abuzim seksual të djalit të saj. Krahas dënimit me burg, asaj i është shqiptuar edhe vendimi për trajtim psikiatrik. Kjo temë po bën shumë bujë në opinionin zviceran i cili është tronditur nga ky rast tepër i rrallë në praktikën gjyqësore.

Nëna gjermane ka filluar keqtrajtimin seksual të të birit që kur ai ishte dhjetëvjeçar. Ajo e ka detyruar atë që të bëjë praktika seksuale nga më perverset me të duke bërë madje edhe fotografi dhe xhirime.

Sipas prokurorisë, kjo nënë që ka bërë incest të rëndë, në fakt nuk mund të kategorizohet si pedofilë dhe as si e sëmurë psikike. Në gjuhën profesionale kjo mënyrë e sjelljes bën pjesë në “rrjedhat paralele me pedofilinë”.

Cilidoqoftë kategorizimi që i është bërë veprës penale,  në opinionin zviceran janë shprehur tashmë edhe pakënaqësi me dënimin e ulët. Sipas kritikëve, po të kishte ndodhur ky abuzim nga një mashkull (babai i fëmijës) dënimi nga gjyqi do të ishte shumë më i lartë dhe po ashtu stigmatizimi nga shoqëria, më i rëndë.