Nga 1 prilli do të ketë rritje të pagës minimale në Shqipëri

Tirana

Me këtë vendim nga 1 prilli, paga minimale do të shkojë në 40 mijë lekë, që është një rritje prej 17.6 për qind nga shuma e mëparshme 34 mijë. Kjo shumë e pagës minimale, si deri më tani, do të paguhet detyrimisht si në sektorin publik ashtu edhe në atë privat, tha ministrja e Ekonomisë, Delina Ibrahimaj.

Ajo theksoi se “Shqipëria tashmë ka hyrë në procesin e integrimit europian, ku ekziston një Kartë Sociale Europiane në të cilën niveli i pagës minimale në një vend nuk duhet të jetë më i ulët se 60 për qind e pagës mesatare”.

Sipas Ibrahimajt, në momentin me nivelin 34 mijë lekë, Shqipëria ishte në nivelin 55 për qind dhe me rritjen prej 40 mijë lekësh shkon në nivelin 67 për qind.

Paga minimale në këtë vend është rritur për herë të fundit në shtator të vitit të kaluar, por ndonëse është vazhdimisht në rritje, ajo sërish mbetet më e ulëta në krahasim me vendet e Evropës.

Aktualisht është 285 dhe me rritjen nga 1 prilli do të jetë 336 euro./tch