Nga Amerika në Shqipëri, për tregtimin e ëmbëlsirave

Shumë shtetas amerikanë kanë ngritur sipërmarrjen e tyre në Shqipëri, në sektorë të ndryshëm. Brena Moran është një prej tyre.

Ajo sapo ka hapur në qendrën historike në Gjirokastër një sipërmarrje për tregtimin e ëmbëlsirave.

Vajza nga Kalifornia thotë se ndihet mjaft mirë në qytetin e gurtë, ku jeton prej tre vjetësh.

Ajo tregon edhe për kohën e ardhjes në Shqipëri.

“Kam tre vjet që kam ardhur. Sepse është qyteti i bukur, i qetë”, tha ajo.

Ajo thotë se ka disa preferenca të ëmbëlsirave.

Berna thotë se është frymëzuar nga nëna e saj dhe se ajo tani gjendet në Shqipëri për t’i ndihmuar së bijës.

Po ashtu, sipas saj, në ëmbëltoren e saj ka produkte origjinale shqiptare, si edhe reqel dhe çajra.

“Kam miq shqiptarë, janë shumë të mirë. Dua të them që duhet të ketë një mësim, në qoftë se të gjithë ikin, nuk mund të përmirësohet vendi”, tha ajo, transmeton VOA, përcjell Albinfo.ch.