Nga Cyrihu në Aeroportin e Bazelit, me autobus për 10 franga

Ofertuesi gjerman i udhëtimeve me autobusë “Mein Fernbus Flixbus” organizon 11 herë në ditë udhëtime direkte nga Stacioni i Autobusëve në Cyrih

Aeroporti i Bazelit me ofertat e tij të fluturimeve  me çmime të ulëta i bën shumë banorë të regjionit të Cyrihut që të lakmojnë për të shfrytëzuar shërbimet e tij. Bëhet fjalë për më shumë se destinacione që ka Easyjet nga ky aeroport, shkruan sonntagszeitung. Mirëpo udhëtimi deri në aeroportin e përmendur nga Cyrihu është paksa i gjatë dhe jo shumë komod.

Aeroporti i Bazelit nuk ka stacion të vetin hekurudhor siç e ka ai i Cyrihut ndërsa autobusët nga Stacioni Hekurudhor i Bazelit deri në Aeroport ecin relativisht ngadalë, transmeton albinfo.ch.

Por, tash pasagjerët nga Cyrihu  aeroportit të përmendur kanë një ofertë tërheqëse. Ofertuesi gjerman i udhëtimeve me autobusë “Mein Fernbus Flixbus” organizon 11 herë në ditë udhëtime direkte nga Stacioni i Autobusëve në Cyrih (afër stacionit kryesor hekurudhor) deri në Aeroportin e Bazelit, përcjell albinfo.ch. Autobusi i parë niset nga ora 2.30 e pas mesnatës, ndërsa çmimi i biletës është vetëm 10 franga.

Siç dihet, shumë bashatdhetarë tanë për fluturimet drejt Prishtinës shfrytëzojnë Bazelin pasi që nga aeroporti i atjeshëm ofrohen shumë fluturime nga kompania e çmimeve të ulëta Easyjet. Sigurisht me këtë ofertë, edhe shqiptarët nga regjioni i Cyrihut do të kenë përfitimin e tyre.

Në aeroportin e Bazelit përshëndetet një lidhje e tillë. Një zëdhënëse e atjeshme e përshkruan këtë si “vlerë e shtuar për klientët tanë”. Por ndërkaq më pak e kënaqur me këtë ofertë është kompania e autobusëve të qytetit të Bazelit e cila me këtë linjë fiton një konkurrencë serioze.