Nigeria njeh Kosovën, thotë Pacolli

Pacolli: "Republika e Nigerisë, pas shumë debateve të brendshme, ka marrë vendim për të njohur Republikën e Kosovës"

Zv.Kryeministri i parë i Qeverisë së Republikës së Kosovës, z. Behgjet Pacolli, i cili gjendet aktualisht në Afrikë, në kuadër të angazhimeve lobuese, për njohje të reja për shtetin e Pavarur të Kosovës, njofton se sot, Republika e Nigerisë, pas shumë debateve të brendshme, ka marrë vendim për të njohur Republikën e Kosovës, si Shtet të Pavarur dhe Sovran.

Sipas tij edhe Afrika e Jugut ka dhënë garancione për një veprim të tillë.

“Është një njohje shumë e rëndësishme. Kam pas një ditë shumë të suksesshme. Mora konfirmimin e Ministrisë së Punëve të Jashtme të Nigerisë se sot e formalizon zyrtarisht njohjen e pavarësisë së Kosovës”, ka thënë Pacolli.

“Kam pasur takim edhe me presidentin e Afrikës Jugore, nga i cili kam marrë garancione shumë të forta që ky shtet shumë shpejt do ta njeh pavarësinë e Kosovës”, ka deklaruar Pacolli.