Nis puna për reformimin e sistemit gjyqësor

Këshilli Gjyqësor i Kosovës ka nis punën për reformimin e sistemit gjyqësor të Kosovës, siç parashihet me Ligjin për Gjykata.

Në këtë ligj parashihet ndryshimi i funksioneve dhe emërtimit të gjykatave dhe në këtë kuadër është duke u punuar në hartimin e rregullores mbi organizimin e brendshëm të gjykatave, e cila rregullore do t’i dërgohet KGJK-së për miratim në shtator.

Me Ligjin për Gjykata nuk do të ketë më Gjykata për Kundërvajtje, Gjykata Komunale, Gjykata të Qarkut, Gjykatë Ekonomike, por sistemi gjyqësor në Kosovë do të organizohet në tri shkallë: shkalla e parë apo Gjykata Themelore, shkalla e dytë apo Gjykata e Apelit dhe shkalla e tretë apo Gjykata Supreme.

Ligji e obligon KGJK-në që deri në janar të vitit 2013 të bëjë këto ndryshime në emërtimin e gjykatave dhe funksionimin e tyre.