Pesë ekspertë shqiptarë përfunduan një vizitë studimore në Zvicër

Përmirësimet në sektorin e energjisë përfshijnë edhe sigurinë e digave të hidrocentraleve.

Bëhet e ditur se si pjesë e mbështetjes zvicerane, një ekip prej pesë ekspertësh nga Korporata Elektroenergjitike Shqiptare – KESH, kreu një tur studimor për të mësuar nga përvoja e monitorimit të sigurisë së digave në Zvicër, transmeton albinfo.ch.

Mbështetur nga Axpo, ekipi vizitoi gjashtë diga në Alpet e Zvicrës dhe mori njohuri praktike mbi monitorimin automatik të digave, magazinimin e pompave dhe operimin automatik të turbinave.