Tematike
Një klasë zvicerane pa asnjë zviceran!
Kjo shkollë e ka të vështirë të sigurojë kuadrin. Në konkurset për mësues nuk paraqitet më shumë se një kandidat i përshtatshëm!
Ata në shtëpitë e tyre flasin shqip, vietnamisht, italisht por jo edhe gjermanisht. Në shkollën reale, klasa 7B të ciklit të lartë në Mett-Bözingen të qytetit Biel-Bienne, të gjithë nxënësit janë me prejardhje të huaj. Është kjo klasa e parë në Zvicër pa asnjë zviceran, shkruan “Bieler Tagblatt”, dhe përcjell edhe 20 minuten.
Një fenomen i tillë sigurisht që ka ngjallur shqetësime në mesin e përgjegjësve dhe ekspertëve të arsimit edhe jashtë Bielit.
Eksperti nga Cyrihu, Urs Moser thotë se “nacionaliteti nuk përbën ndonjë problem. Ajo që shqetëson është kur këta të huaj kanë bazë të dobët arsimore”. Nga një projekt i bërë nga nxënësit e ciklit të lartë të shkollës reale të Biel-Bienne, është konstatuar se nënat e nxënësve me prejardhje të huaj kanë mesatarisht katër vjet shkollë. Po ashtu shumë nga prindërit e tyre kanë një vend pune të ndihmësit (pa profesion) ose nuk kanë fare vend pune. Për pasojë, këtyre nxënësve u mungon ndihma nga familja, që, sipas ekspertit Moser, shkakton ngarkesë shtesë për mësimdhënësit e këtyre nxënësve.
Sipas një përgjegjëseje të arsimit në Biel-Bienne, në rastet këtilla mësuesit nuk i mundësohet të mbetet thjeshtë mësues, sepse ai në radhë të partë detyrohet të bëhet punëtor social dhe të zgjidhë procese që lindin në mes të grupacioneve. Për këtë arsye kjo shkollë e ka të vështirë të sigurojë kuadrin. Në konkurset e saj për mësues nuk paraqitet më shumë se një kandidat i përshtatshëm!
Për të mos pasur probleme të tilla, politika propozon një përzierje më të madhe në lagjet e banimit, në mes të shtresave, respektivisht edhe në mes të zviceranëve dhe të huajve.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën