„Një makinë qepjeje për nënat në Kosovë„

Anëtarët e shoqatës “Dora e Vendlindjes” besojnë se ky aksion do të gjejë përkrahje nga të gjithë në Zvicër, si nga bashkatdhetarët por edhe nga qytetarët zviceranë.

Shoqata „Dora e Vendlindjes“ në Zürich në kuadër të festës së 17 shkurtit, përvjetorit të pestë të pavarësisë së Kosovës  ka filluar aksionin e tretë për mbledhjen e 10 makinave të qepjes për nënat në Kosovë. Aksioni do të zgjasë deri më 10 shkurtë.

Anëtarët e shoqatës “Dora e Vendlindjes” besojnë se ky aksion  do të gjejë përkrahje nga të gjithë në Zvicër, si nga bashkatdhetarët por edhe nga qytetarët zviceranë.

“Ne si shoqatë vendosëm që për festën e 17 shkurtit   për  nënat, me probleme sociale në Kosovë t’u sigurojmë 10 makina qepjeje. Nga këto 10 makina të qepjes, gjashtë  do të dërgohen  në  gjashtë shtëpi strehimi për gratë me probleme sociale. Dhe katër makina të tjera  do shpërndahen një në komunën e Skenderajt, një në pjesën veriore të Mitrovicës, një në komunën e Isniqit, dhe një në komunën e Rahovecit”, thuhet në njoftimin e shoqatës.

“Ne si shoqatë  besojmë se  nuk do të  jemi ne të vetmit që do të dërgojmë makina të qepjes  në Kosovë. Në aksionin tonë do të na ndihmojnë edhe miqtë tanë zviceranë”, thuhet në këtë komunikatë të shoqatës.   

Aksioni i parë humanitar i kësaj shoqate ishte  meremetimi i banesës së Selver Haradinajt në Mitrovicë.

Ndërsa në aksionin e dytë shoqata “Dora e Vendlindjes” ka mbledhur në Zvicër „1000  libra për Kosovën“. Librat tashmë kanë arritur në Kosovë .

“Ne jemi të bindur se zviceranet që do ta vizitojnë Kosovën do t’i shohin librat e dhuruara në bibliotekat e qyteteve të Kosovës. Vlen të përmendet se me këtë aksioni shoqata jonë DEV është propozuar të shpërblehet me çmimin “FIDES”, kjo na dha edhe më shumë vullnet të vazhdojmë punën dhe ta bëjmë realitet programin e shoqatës “DEV”, thuhet në një komunikatë për media të shoqatës .