Gratë ruse në Zvicër, të cilat e kanë kritikuar Putinin, kanë frikë nga Kremlini

Rusët kritikë ndaj regjimit të Putinit duan të qëndrojnë në Zvicër

 

Një numër grash ruse në Zvicër, të cilat kanë kritikuar luftën në mediat sociale dhe për këtë arsye kanë frikë nga pasojat nga Kremlini, po kërkojnë nga Këshilli Federal që t’u japë atyre azil, përcjell albinfo.ch.

“Unë mund të kuptoj se këto gra janë të shqetësuara”, tha Ulrich Schmid, profesor i kulturës dhe shoqërisë ruse në Universitetin e St. Gallen. “Është e mundur që shërbimi sekret rus të raportojë për njerëz që janë kritikë ndaj luftës”.

A duhet të marrin azil dezertorët rusë dhe kundërshtarët e luftës në Zvicër? Pikëpamjet e deputetëve ndryshojnë.

Për një deputet të Gjelbër, Balthasar Glättli, Zvicra duhet t’u japë këtyre kundërshtarëve të luftës viza humanitare.

Megjithatë, sipas Thomas Aeschi nga Partia Popullore Zvicerane (SVP), “Zvicra duhet t’i trajtojë të gjithë azilkërkuesit në mënyrë të barabartë”, duke theksuar se ka shumë njerëz në vendet e tjera “të cilët janë gjithashtu të kërcënuar”.

Sipas Sekretariatit Shtetëror për Migracionin (SEM), rusët që qëndrojnë në Zvicër mund të aplikojnë në kantonin e tyre të qëndrimit për të zgjatur lejen e tyre ekzistuese të qëndrimit. “Do të kontrollohet nëse i plotësojnë kushtet ligjore për këtë”, tha SEM.

 

---