Një rast i ri i gripit të shpendëve në kantonin e Cyrihut

Rasti i dytë këtë sezon

Një rast i ri i virusit të gripit të shpendëve është zbuluar te një patë gri në Männedorf, në kantonin e Cyrihut. Ky është rasti i dytë që regjistrohet në Zvicër gjatë këtij sezoni, përcjell albinfo.ch.

Si reagim ndaj situatës, qeveria federale ka vendosur të forcojë masat mbrojtëse për të parandaluar përhapjen e virusit. Zyra Federale për Sigurinë Ushqimore dhe Çështjet Veterinare (BLV) ka bërë thirrje që të shmanget çdo kontakt midis zogjve të egër dhe shpendëve shtëpiakë. Kjo masë synon të mbrojë fermat dhe shpendët vendas nga infeksionet e mundshme.

Autoritetet theksojnë se vigjilenca dhe zbatimi i rregullave higjienike mbeten thelbësore për të kufizuar rrezikun e përhapjes së mëtejshme të gripit të shpendëve në vend. https://www.srf.ch/news/schweiz/zweiter-fall-in-dieser-saison-neuer-vogelgrippefall-im-kanton-zuerich-bei-graugans-nachgewiesen

---