Një i ri shqiptar vritet në Çair të Shkupit

Jozyrtarisht mëson se viktima është B.Idrizi, i lindur në vitin 1993, i cili deri në momentin e dërgimit në qendër urgjente ka qenë me shenja jete

Një i ri shqiptar është qëlluar për vdekje sonte në rrugën ”Xhon Kenedi” në Shkup. Siç njoftojnë mediet lokale, vrasja ka ndodhur në lagjen Çair pak para orës 18:00, përballë Shkollës së Mesme “Cvetan Dimov”.

Jozyrtarisht mëson se viktima është B.Idrizi, i lindur në vitin 1993, i cili deri në momentin e dërgimit në qendër urgjente ka qenë me shenja jete.

Nuk dihet se sa persona kanë qëlluar në drejtim të Idrizit, por se kanë gjuajtur nga një automjet në lëvizje. Po ashtu nuk dihen motivet e sulmit. Në vendngjarje arritën ekipet e policisë, hetuesisë dhe ndihmës së shpejtë, ku po punohet në zbardhjen e plotë të rastit.