Një shqiptare do të ligjërojë në “Arizona State University”

Disenjatorja Krenare Rugova do të ligjërojë në “Arizona State University”

Një ndër kreatoret më të suksesshme të modës pa dyshim se është shqiptarja Krenare Rugova, e cila përveç që ka fituar shumë çmime të rëndësishme të modës, për dizajnet e saj unike, së fundmi ka bërë edhe të ditur se do të ligjërojë në një prej universiteteve më të mira në botë, shkruan albinfo.ch.

Ajo para pak ditësh ka ndarë me ndjekësit e saj lajmin se do të ndajë edhe sekretet e punës së suksesshme me kreatorët e rinj.

Nga shtatori i vitit 2024 ajo do të japë mësim në lëndën “Zhvillimi i Avancuar i Koleksionit në Institutin Herberger për Dizajn dhe Arte” në Arizona State University.

“Jam e lumtur të njoftoj se duke filluar nga semestri vjeshtë ‘24/‘25, do të jap mësim në lëndën ‘Zhvillimi i Avancuar i Koleksionit në Institutin Herberger për Dizajn dhe Arte’ të Arizona State University US”, ka shkruar Rugova në postimin e ndarë në Instagramin e saj.  /Albinfo.ch

https://www.instagram.com/p/C7TZK5hO1EQ/?utm_source=ig_embed&ig_rid=bc9d3143-b90c-413a-bc61-3d9e37a5e375

 

 

 

 

 

 

 

---