Një shtëpi e re për Leonesën

Si pasojë e vendimit për dëbim familjes së Leonesës i ishte marrë edhe e drejta për të pasur banesë

Edhe një ndryshim për të mirë në rastin e Leonesës, vajzës 12 vjeçare nga Kosova me qëndrim në Austri. Vajza e talentuar që ndjek mësimet në shkollën Sir karl Popper, më e suksesshmja për lëndën e gjermanishtes në klasën e saj, kohë më parë duhej, bashkë me familjen, të dëbohej nga Austria.

Si pasojë e vendimit për dëbim familjes së Leonesës i ishte marrë edhe e drejta për të pasur banesë. Me fjalë tjera, ata po mbeteshin strehë.

Por pasi që me presionin e madh të shkollës dhe të opinionit, vendimi është anuluar (së paku përkohësisht),  janë paraqitur edhe organizata dhe shoqata për të ndihmuar këtë familje. Kështu, shoqata “Ekonomia për integrimin” ia ka siguruar asaj një kulm të ri mbi kokë. Me këtë veprim, ajo i ka mundësuar familjes shqiptare që të kalojë ditët e festave brenda mureve të shtëpisë. Kjo dhuratë ka ardhur pikërisht në kohën e duhur.

“Pas shqetësimeve dhe frikës nga kërcënimi për dëbim, ne ndiheshim të zbrazët dhe të ligështuar. Për fat tash kemi sërish dyshemenë nën këmbë”, thonë në këtë familje. Leonesën dhe familjen e saj e ka ndihmuar mjaft shumë edhe Caritasi, i cili ia ka mobiluar banesën e re.