Një tërmet i lehtë godet Shkupin

Sipas informacioneve të Qendrës Evropiane për Sizmologji, tërmeti ka qenë 16 kilometra nga qendra e Shkupit, ndërsa nuk ka shkaktuar dëme

Një tërmet me intensitet të ulët ka goditur kryeqytetin e Maqedonisë, Shkupin gjatë orëve të mbrëmjes. Sipas medieve lokale, rreth orës 18.00 një termet me rreth 3 shkallë të Rihetrit, ka goditur periferinë e Shkupi, respektivisht paralagjen Marinë.

Sipas informacioneve të Qendrës Evropiane për Sizmologji, tërmeti ka qenë 16 kilometra nga qendra e Shkupit, ndërsa nuk ka shkaktuar dëme, përveç frikës tek qytetarët.

Siç raporton INA, ky është tërmeti i tretë me intensitet të ulët në vend, që godet brenda këtyre ditëve Maqedoninë. Një tërmet i njëjtë është ndjerë mbrëmë në qytetin e Berovës.

Ndryshe, Shkupi dhe në përgjithësi regjioni që përfshinë qarkun nga Serbia e Jugut, Anamorava e Kosovës dhe Malësia e Karadakut është zonë sizmologjike. Edhe më herët në këtë regjion ka pasur tërmete, por jo me intensitete të lartë. Tërmeti i fundit ka ndodhur në vitin 2002 në Gjilan, ku për pasojë ka lënë një person të vdekur.

Ndërsa tragjedia më e madhe ka ndodhur në vitin 1963 kur Shkupi i godit nga një tërmet i fuqishëm që la të vrara rreth  1070 persona, ndërsa mijëra të tjerë u lënduan.