Një tjetër bankomat në Zvicër, hidhet në erë

Një tjetër bankomat është hedhur në erë në kantonin Ticinos.  Herën e pestë, në pesë muaj.
Fqinjët thonë se u zgjuan nga zhurma në orën 4 mëngjesin e së shtunës në Stabio, një qytet afër kufirit italian, përcjell albinfo.ch. 

Shpërthimi shkaktoi dëme të mëdha, duke rrëzuar një mur dhe duke hedhur rrënojat për 50 metra. 

Banda iku me një makinë të vjedhur dhe u transferua në një makinë tjetër në Itali, sipas policisë. 

Sulmi vazhdon të jetë një trend, duke pasur vjedhje të bankomatave në gjithë vendin, veçanërisht ato pranë kufijve.