“Nuk erdhi Veliu” përmbush me sukses misionin humanitar

Misioni humanitar i Grupit Teatral "Aktrimi" do të vazhdojë edhe ndër qytete dhe qendra të tjera zvicerane

Misioni humanitar i Grupit Teatral “Aktrimi” mbrëmë në Kreuzlingen rezultoi me shumë sukses. Të kujtojmë: Komedia e suksesshme “Nuk edhi Veliu”, prodhim i këtij grupi, e cila deri tash ka pasur një numër të konsiderueshëm shfaqjesh, është vënë ehde një herë në skenë, enkas për të ndihmuar shërimin e një të riu.

Dhe, falë edhe QKISH në Kreuzlingen dhe shumë dashamirëve të tjerë, u tubua një shumë e konsiderushme e mjeteve finaciare dedikuar për shërimin e të riut kumanovar Shkëlqim Zimberi. Me këtë rast duhet dalluar në mënyrë të veçantë kontributin e piktores së vogël në moshë por shumë të madhe në shpirt Abetare Berila. Ajo, për këtë mision dhuroi një pikturë. Edhe njëherë grupi “Aktrimi” dhe të tjerët që ishin angazhuar rreth shfaqjes u drejtojnë një falënderim të veçantë të gjithë atre që dhanë kontribut.

Misioni humanitar i Grupit Teatral “Aktrimi” do të vazhdojë edhe ndër qytete dhe qendra të tjera zvicerane (V.I.)