Shkurt.ch
“Nuk ka vend për racizëm” në Bernë
Karriget për pritje në 30 stacione të autobusëve dhe të tramvajeve në qytetin e Bernës deri më sot qenë të mbuluara me nga një shirit të verdhë. Këta shirita kanë bërë shumë veta të pyesin se për çfarë bëhet fjalë. Ngjitur me ta, mund të lexohej pyetja: “A ka vend aty”. Vetëm sot është zgjidhur “enigma”e këtyre shiritave dhe pyetjes. Ulëset tashmë të mbështjella me të kuqe e bëjnë të qartë përmes mbishkrimit se në Bernë “nuk ka vend për racizmin”.
E gjithë kjo është pjesë e fushatës së javës kundër racizmit që e organizon qyteti i Bernës për herë të pestë me radhë.
Tema për këtë vit është “Racizmi në hapësira publike”. Fushata, e cila koordinohet nga Qendra Profesionale për Integrim mbështetet nga shumë pjesëmarrës si muze të ndryshëm, teatro, restorante dhe shkolla. Të gjithë së bashku përmes kësaj fushate duan të japin një sinjal se angazhohen për një qytet të sigurt, në të cilin njerëzit janüe të mbrojtur nga racizmi dhe diskriminimi, thuhet në një komunikatë të Qendrës Profesionale për Integrim të qytetit të Bernës.
Vetë “Java…” zhvillohet nga 21 deri më 27 mars. Në aktivitetet në kuadër të saj, ku mund të marrin pjesë në mënyrë interaktive edhe ata që nuk janë në program, është paraparë pjesëmarrja e më shumë se 20 organizatave. Do të ketë shfaqje teatrore (forumtheater), debate, një radionovelë, një ekspozitë, aksione të ndryshme artistike, një qendër e përkohshme hulumtimi dhe shumëçka tjetër.
Hapjen e “Javës kundër racizmit” do ta bëjnë, këshilltarja e qytetit Franziska Tescher, imami shqiptar, njëherësh kryetar i Bashkësisë Islame Shqiptare të Zvicrës, Mustafa Memeti dhe nënkryetari i Bashkësisë së Hebrenjve të Bernës Jacob Guzman.
Të tjera nga Shkurt.ch
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane