Numri i punëtorëve të huaj në Zvicër, në rritje

albinfo.ch

Mes tremujorëve të tretë të vitit 2021 dhe 2022 (korrik deri në shtator), numri i shtetasve të huaj të punësuar në Zvicër u rrit me 3.7 për qind, sipas të dhënave të publikuara të enjten nga Zyra Federale e Statistikave (FSO), përcjell albinfo.ch.

Ndër këta punëtorë, rritja ishte më e forta te mbajtësit e një leje qëndrimi afatshkurtër L (+7,9 për qind), e ndjekur nga leja e qëndrimit B (+7,7 për qind) dhe punonjësit ndërkufitarë G, mbajtësit e lejes (+5,9 për qind).