Nxënës nga Maqedonia në kampin ndërkulturor në Zvicër

Dyzet nxënës nga pesë shkollat e mesme nga Ohri, Struga, Gostivari, Manastiri dhe Shtipi i Maqedonisë po marrin pjesë në vitin e shtatë të shkëmbimit ndërkulturor në fshatin e fëmijëve „Pestalozzi” në Trogen të Zvicrës. Shkëmbimi filloi më 13 prill dhe është organizuar nga koalicioni i organizatave rinore „SEGA”, në bashkëpunim me fondacionin e fëmijëve […]

Dyzet nxënës nga pesë shkollat e mesme nga Ohri, Struga, Gostivari, Manastiri dhe Shtipi i Maqedonisë po marrin pjesë në vitin e shtatë të shkëmbimit ndërkulturor në fshatin e fëmijëve „Pestalozzi” në Trogen të Zvicrës.

Shkëmbimi filloi më 13 prill dhe është organizuar nga koalicioni i organizatave rinore „SEGA”, në bashkëpunim me fondacionin e fëmijëve „Pestalozzi” (Pestalozzi Children’s Foundation).
Nxënësit çdo ditë kanë aktivitete prej orës 9 deri 17, me marrjen e dijeve për parimet e dialogut ndërkulturor dhe komunikimit, tolerancës dhe vlerave të ndryshme në mesin e fëmijëve dhe të rinjve me kultura të ndryshme. Përveç kësaj, do të kenë mundësi për të vizituar më shumë vende të Zvicrës. Këtë fundjavë ishin në Cyrih dhe kanë vizituar Tehnorama, Ujvaren Rajna dhe qytetin e Lucernit, raportojnë mediat në Shkup, transmeton albinfo.ch.

Nëpërmjet këtij kampi ndërkulturor nxënësit presin për të fituar aftësi të reja, të zgjerojnë horizontet e tyre dhe të jenë në gjendje të marrin përgjegjësi për veten e tyre dhe për të tjerët, ku do të ndikojë pozitivisht në zhvillimin e tyre të ardhshëm.

Shkëmbimi ndërkulturor në fshatin e fëmijëve „Pestalozzi” është pjesë e një bashkëpunimi ndërmjet koalicionit të organizatave rinore „SEGA„ dhe fondacionin e fëmijëve “Pestalozzi”. Koalicioni është i përbërë nga 27 anëtarë.

Në vitet e fundit ky shkëmbim ndërkulturor ka përfshirë 240 nxënës nga 10 shkolla fillore dhe 10 shkolla të mesme në disa qytete në mbarë Maqedoninë.