Nxënësit e Hanit të Elezit, mikpritës të nxënësve shqiptarë dhe gjermanë

Kështu nxënësit e Hanit të Elezit do të jenë për një ditë mikpritës të nxënësve shqiptarë dhe gjermanë nga shkollat e Gjermanisë

Shkolla Fillore “Ilaz Thaçi” nga Hani i Elezit do të jetë nikoqire e fëmijëve nga Gjermania. Ky ishte rezultati i takimit të kryetarit të Komunës, Rufki Suma me Nuhi Gashi, koordinator për mësimin shqip në diasporë nga Ministria e Diasporës dhe Kemajl Çallakut mësues me nxënësit shqiptarë në Gjermani, njëherit edhe promotor kryesor i këtij projekti, raporton albinfo.ch.

Kështu nxënësit e Hanit të Elezit do të jenë për një ditë mikpritës të nxënësve shqiptarë dhe gjermanë nga shkollat e Gjermanisë.

Kësaj radhe fëmijët e Hanit të Elezit do të jenë ata që para mysafirëve nga Gjermania do të prezantojnë trashëgiminë historike, kulturore dhe artistike të kësaj treve.

Qëllimi parësor është në funksion të lidhjes së fëmijëve, duke i ambientuar me kulturën shqipe dhe të përçojnë mesazhin dhe kujtimet e bukura si një garë kulturore të tipit fëmijët për fëmijët, tha Gashi.

Ky aktivitet pritet të realizohet në fillim të muajit prill.