Nxënësit shqiptarë dhe maqedonas festojnë së bashku Ditën e Paqes

Aktiviteti “Integrimi multietnik në arsim” u mbajt në kuadër të projektit të USAID dhe Komunës së Butelit në Parkun e Qytetit të Shkupit, shkruan albinfo.ch.

Nxënësit shqiptarë dhe maqedonas të komunës së Butelit në Shkup kanë festuar së bashku Ditën e Paqes, duke promovuar kështu kohezionin mes grupeve të ndryshme etnike në Maqedoni.

Aktiviteti “Integrim multietnik në arsim” u mbajt në kuadër të projektit të USAID dhe Komunës së Butelit në Parkun e Qytetit të Shkupit, shkruan albinfo.ch.

“Komuna e Butelit nuk e bën këtë për herë të parë, kjo vetëm se u bë traditë. Për herë të parë është ajo që të gjithë shtatë shkollat fillore të Butelit janë pjesëmarrëse. Falënderoj USAID-in dhe Forumin Rinor që na e mundësoi këtë aktivitet. Besoj që për të rinjtë ky do të jetë një aktivitet i veçantë, në të cilin do të marrin përvojë, e cila do të mund t’ju shërbej gjatë jetës”, tha kryetari i Komunës së Butelit, Velimir Smilevski (LSDM).

Në anën tjetër, nga USAID-i mori pjesë Sara Kaevik, e cila u shpreh e gëzuar për një festë të tillë ndëretnike.

“Është iniciativë pesëvjeçare qëllimi i së cilës është që t’i përmirësojë marrëdhëniet ndëretnike në mes të rinjve në shkollat nga e gjithë Maqedonia. Megjithatë njëkohësisht i forcojmë dhe vlerat e tyre qytetare dhe demokratike përmes implementimit të aktiviteteve, siç është aktiviteti i sotëm, me të cilin e shënojmë Ditën Ndërkombëtare të Paqes në bashkëpunim me Komunën e Butelit dhe Forumin rinor të arsimit, i cili është partner yni”, tha ajo.

---