Shkurt.ch

Objekti në Zvicër, fotografia më e mirë në arkitekturë për 2015

E mërkurë, 11 Nëntor 2015 - 8:57 albinfo.ch

Një fotografi e një objekti në Zvicër e fotografit Fernando Guerra u zgjodh si më e mira në fushën e arkitekturës për vitin 2015. Fotografi portugez u shpall zyrtarisht fitues i 2015 Arcaid Images Architectural Photography Awards, si pjesë e Festivalit të Arkitekturës që është mbajtur në Singapor.

Në foto paraqitet një objekt i quajtur EPFL Quartier Nord nga Richard Dahl Rocha & ASSOCIES, ku mbizotërojnë ngjyrat portokalli, e verdhë dhe e gjelbër.

Fituesi u zgjodh nga juria profesionale e përbërë nga arkitektet Katy Harris dhe Ian Moore, si dhe fituesit e vitit të kaluar Hufton + Crow. Fotografi për këtë sukses është shpërblyer me një çmim kesh prej 3’000 funtesh.